পাঠ ৩: অৰূপৰ আৱেদন, Class 5, Chapter 3, SEBA New Book, Assamese Medium

Next Chapter 

(পৃষ্ঠা ২১)

ক্ৰিয়া-কলাপ (ক – পাঠভিত্তিক ক্রিয়া)

উত্তৰ দিয়া

(ক) অৰূপে কি কাৰণত কেইবাদিনো স্কুলত অনুপস্থিত আছিল?

* উত্তৰ: অৰূপৰ পেট-চলা ৰোগ হৈছিল, যাৰ বাবে তাক চেলাইন দিবলগীয়া হৈছিল আৰু দুৰ্বল হৈ থকা বাবে সি কেইবাদিনো স্কুলত অনুপস্থিত আছিল।

(খ) অৰূপৰ পেট-চলা ৰোগ কিয় হৈছিল?

* উত্তৰ: অৰূপে গাঁৱৰে এঘৰলৈ ভোজ খাবলৈ গৈছিল, আৰু তাৰ পৰা খাই অহাৰ পাছতেই তাৰ পেট-চলা আৰম্ভ হৈছিল।

(ঘ) আৱেদনক আৰু কি বুলি কয়?

* উত্তৰ: আৱেদনক ‘দখাস্ত’ বুলিও কোৱা হয়।

(ঙ) অৰূপে পঢ়া স্কুলখনৰ নাম কি?

* উত্তৰ: অৰূপে পঢ়া স্কুলখনৰ নাম ‘নৱজ্যোতি আদৰ্শ প্ৰাথমিক বিদ্যালয়’।

(চ) অৰূপে কি বিচাৰি আৱেদন কৰিছিল?

* উত্তৰ: অৰূপে স্কুলত অনুপস্থিত থকা দিনকেইটাৰ বাবে ছুটী মঞ্জুৰ কৰিবলৈ বিচাৰি আৱেদন কৰিছিল।

‘অৰূপ, তুমি দেখোন কেইবাদিনো স্কুল খতি কৰিলা, কিবা অসুখ-বিসুখ হৈছিল নেকি?’- এই প্ৰশ্নটো কোনে, কেতিয়া, কাক কৰিছিল?

* উত্তৰ: এই প্ৰশ্নটো শিক্ষয়িত্ৰী ৰেহেনা খাতুন বাইদেৱে অৰূপক কৰিছিল। যেতিয়া অৰূপ কেইবাদিনো স্কুলত অনুপস্থিত থকাৰ পাছত শ্ৰেণীলৈ আহিছিল, তেতিয়া বাইদেৱে তাক দেখি এইদৰে সুধিছিল।

স্কুলত অনুপস্থিত থাকিলে কাৰ জৰিয়তে কালৈ আবেদন কৰিব লাগে?

* উত্তৰ: স্কুলত অনুপস্থিত থাকিলে শ্ৰেণী-শিক্ষয়িত্ৰীৰ জৰিয়তে মাননীয় প্ৰধান শিক্ষক মহোদয়লৈ আৱেদন কৰিব লাগে।

অৰূপে লিখা পত্ৰ আৰু শিক্ষয়িত্ৰী বাইদেৱে শিকোৱা আৱেদনখনৰ মাজত কি কি পাৰ্থক্য দেখিলা? কোৱা আৰু লিখা।

* উত্তৰ: অৰূপে লিখাখন এখন ‘চিঠি’ আছিল, যিখন তেওঁ পোনপটীয়াকৈ বাইদেউলৈ লিখিছিল। আনহাতে, শিক্ষয়িত্ৰী বাইদেৱে শিকোৱা ‘আৱেদন’খন এখন নিৰ্দিষ্ট শৈলীত প্ৰধান শিক্ষকলৈ ‘শ্ৰেণী-শিক্ষয়িত্ৰীৰ জৰিয়তে’ লিখা হৈছিল। আৱেদনখনত ‘বিষয়’ উল্লেখ কৰা হৈছিল আৰু শেষত ‘অভিভাৱকৰ চহী’ৰ ব্যৱস্থা আছিল, যিটো অৰূপৰ চিঠিখনত নাছিল।

(পৃষ্ঠা ২২)

খ- ভাষা অধ্যয়ন (ব্যাৱহাৰিক ব্যাকৰণ)

(এই পৃষ্ঠাত ক্ৰিয়াৰ কাল—অতীত কাল, বৰ্তমান কাল, আৰু ভৱিষ্যত কাল—ৰ বিষয়ে ব্যাখ্যা কৰা হৈছে।)

পাঠটিত থকা অতীত কাল বুজোৱা ক্ৰিয়া পদবোৰ বিচাৰি উলিয়াই লিখা।

* উত্তৰ: পাঠটিত থকা অতীত কাল বুজোৱা ক্ৰিয়া পদবোৰ হ’ল— আহিছে, হৈছিল, গৈছিলোঁ, খুৱাইছিল, নহ’ল, দিবলগীয়া হৈছিল, নাছিলোঁ, কৰিলা, দিলে, পঢ়িলে, ক’লে।

(পৃষ্ঠা ২৩)

তলৰ বাক্যবোৰৰ কাষত দুটাকৈ পদ দিয়া আছে। … খাপ খোৱা পদটোৰে বাক্যটো পুনৰ লিখা।

(ক) মই কাইলৈ গুৱাহাটীলৈ (যাম / গৈছিলোঁ)

* উত্তৰ: মই কাইলৈ গুৱাহাটীলৈ যাম।

(খ) সৌৱা, চৰাইবোৰ আকাশত (উৰিছে / উৰিছিল)

* উত্তৰ: সৌৱা, চৰাইবোৰ আকাশত উৰিছে।

(গ) যোৱাবেলি আমাৰ ইয়াত বানপানী (হ’ব / হৈছিল)

* উত্তৰ: যোৱাবেলি আমাৰ ইয়াত বানপানী হৈছিল।

(ঘ) আহা, আমি ঘৰলৈ (যাওঁ / গৈছিলোঁ)

* উত্তৰ: আহা, আমি ঘৰলৈ যাওঁ।

(ঙ) মই কিতাপ (পঢ়ে)

* উত্তৰ: মই কিতাপ পঢ়োঁ।

(চ) তুমি কি (কৰিছে / কৰিছা)?

* উত্তৰ: তুমি কি কৰিছা?

(ছ) তেওঁ ধান (দাইছা / দাইছে)

* উত্তৰ: তেওঁ ধান দাইছে।

(জ) আমি ছবি (আঁকিছিলোঁ / আঁকিছিল)

* উত্তৰ: আমি ছবি আঁকিছিলোঁ।

(ঝ) তোমালোকে (গাইছিল / গাইছিলা)

* উত্তৰ: তোমালোকে গাইছিলা।

(ঞ) তেওঁলোকে বল (খেলিছিল / খেলিছিলা)

* উত্তৰ: তেওঁলোকে বল খেলিছিল।

(ট) দেউতা আজি আহি (পাম / পাব)

* উত্তৰ: দেউতা আজি আহি পাব।

(ঠ) সিহঁতে কাইলৈ চিনেমা (চাব / চাম)

* উত্তৰ: সিহঁতে কাইলৈ চিনেমা চাব।

(ড) আমি বৰশী (বাম / বাব)

* উত্তৰ: আমি বৰশী বাম।

(পৃষ্ঠা ২৪)

তোমালোকে লিখা শুদ্ধ বাক্যবোৰ কাল অনুসৰি শ্ৰেণী বিভাজন কৰি লিখা।

* অতীত কাল

* মণিকা কালি স্কুললৈ আহিছিল।

* যোৱাবেলি আমাৰ ইয়াত বানপানী হৈছিল।

* আমি ছবি আঁকিছিলোঁ।

* তোমালোকে গাইছিলা।

* তেওঁলোকে বল খেলিছিল।

* বৰ্তমান কাল

* সৌৱা, চৰাইবোৰ আকাশত উৰিছে।

* আহা, আমি ঘৰলৈ যাওঁ।

* মই কিতাপ পঢ়োঁ।

* তুমি কি কৰিছা?

* তেওঁ ধান দাইছে।

* ভৱিষ্যত কাল

* মই কাইলৈ গুৱাহাটীলৈ যাম।

* দেউতা আজি আহি পাব।

* সিহঁতে কাইলৈ চিনেমা চাব।

* আমি বৰশী বাম।

(পৃষ্ঠা ২৫)

তলৰ খালী ঠাইবোৰ ক্ৰিয়াপদেৰে পূৰোৱা।

(ক) যোৱাবেলি আমি বনভোজ খাবলৈ গৈছিলোঁ। আমাৰ লগত ছাৰ-বাইদেউসকলো গৈছিল। বাটত তেখেতসকলে আমাক বৰ ভাল ভাল কথা কৈছিল আৰু কৌতুক শুনাইছিল। মাজে মাজে আমি গানো গাইছিলোঁ। গৈ বৰ স্ফূৰ্তি পাইছিলোঁ।

(খ) সৌৱা পথাৰত এজাক গৰখীয়া ল’ৰাই খেলি আছে। পছোৱা বতাহ বলিছে। তেওঁলোকৰ কেইজনমানে হাউ গুদু খেলিছে। আন কেইজনমানে চিলা উৰুৱাইছে। এজনে আকৌ গছৰ তলত বহি বাঁহী বজাইছে। আন এজনে আঁহতৰ পাতেৰে টুপী সাজিছে।

(গ) মা কাইলৈ মামাহঁতৰ ঘৰলৈ যাব। তেওঁ তাত কেইদিনমান থাকিব। আহোঁতে মোলৈ লাৰু-পিঠা আনিব। মাহীদেউৰ বিয়াৰ পাছতহে উভতি আহিব।

(পৃষ্ঠা ২৬)

শব্দ সাজি বাক্য ৰচনা কৰা।

* ‘অ’ যোগ কৰি:

* অ + ৰূপ = অৰূপ – অখাদ্য খোৱাৰ বাবে অৰূপৰ পেটৰ অসুখ হৈছিল।

* অ + সহ্য = অসহ্য – (বেছি গৰম অসহ্য।)

* অ + খাদ্য = অখাদ্য – (অখাদ্য বস্তু খালে পেটৰ অসুখ হয়।)

* অ + সুখ = অসুখ – (অৰূপৰ অসুখ হৈছিল।)

* অ + মিল = অমিল – (তোমাৰ কথাৰ লগত কামৰ অমিল আছে।)

* ‘অনু’ যোগ কৰি:

* অনু + গ্ৰহ = অনুগ্ৰহ – অনুগ্ৰহ কৰি মোক ছুটী মঞ্জুৰ কৰে যেন।

* অনু + উপস্থিত = অনুপস্থিত – (সি আজি স্কুলত অনুপস্থিত।)

* অনু + ৰূপ = অনুৰূপ – (তেওঁ এটা অনুৰূপ ঘটনা বৰ্ণনা কৰিলে।)

* অনু + মান = অনুমান – (মোৰ অনুমানমতে কামটো হৈ যাব।)

* অনু + উচিত = অনুচিত – (ডাঙৰক তেনেকৈ কোৱা অনুচিত।)

(পৃষ্ঠা ২৬ – ২৮)

গ – জ্ঞান সম্প্ৰসাৰণ

(এই পৃষ্ঠাবোৰত চিঠি আৰু আৱেদনৰ বিভিন্ন অংশ, যেনে – শিৰোনামা, সম্বোধন, মূল অংশ, আৰু সামৰণি সম্পৰ্কে আলোচনা কৰা হৈছে। লগতে চিঠিৰ প্ৰকাৰ আৰু ভোজ খালে পেটৰ অসুখ হোৱাৰ কাৰণ সম্পৰ্কে দিয়া হৈছে।)

স্কুল খতি কৰিলে পঢ়া-শুনাৰো ক্ষতি হয়। সেই ক্ষতি আমি কেনেদৰে পূৰ কৰিব পাৰোঁ দলত আলোচনা কৰোঁ আহা।

* উত্তৰ: (আলোচনাভিত্তিক) স্কুল খতি কৰিলে হোৱা পঢ়া-শুনাৰ ক্ষতি পূৰাবলৈ আমি বন্ধু-বান্ধৱীৰ পৰা সেইদিনাৰ পাঠবোৰ বুজি ল’ব পাৰোঁ, তেওঁলোকৰ বহী চাব পাৰোঁ, নাইবা পাছদিনা শিক্ষাগুৰুৰ পৰা নুবুজাখিনি ভালদৰে বুজি লৈ সেই ক্ষতি পূৰ কৰিব পাৰোঁ।

সমূহীয়া ভোজভাত খালে তলত দিয়া কোনবোৰ কাৰণত আমাৰ পেটৰ অসুখ হ’ব পাৰে?

* উত্তৰ: তলত দিয়া কাৰণত আমাৰ পেটৰ অসুখ হ’ব পাৰে:

* সোৱাদ পাই সৰহকৈ খালে

* আঞ্জাত বেছি জ্বলা-মচলা হ’লে

* অসময়ত খোৱাৰ বাবে

 

(পৃষ্ঠা ৩০)

দলত আলোচনা কৰি লিখা।

(গ) চিঠি আৰু আৱেদনৰ মূল ভাগ কেইটা আৰু কি কি? কোনটো ভাগত কি লিখিব লাগে?

* উত্তৰ: চিঠি আৰু আৱেদনৰ মূল চাৰিটা ভাগ থাকে। সেইকেইটা হ’ল:

* শিৰোনামা: ইয়াত চিঠি লিখা ঠাইখনৰ নাম আৰু তাৰিখ লিখিব লাগে।

* সম্বোধন: ইয়াত যালৈ চিঠি লিখা হৈছে তেওঁক (যেনে- পূজনীয়, মৰমৰ) সম্বোধন কৰা হয়।

* মূল অংশ: এই অংশত মূল বক্তব্য, খা-খবৰ, সুখ-দুখ আদি প্ৰকাশ কৰা

হয়।

* সামৰণি (বিদায় সম্ভাষণ): এই ভাগত চিঠিখন সামৰা হয় আৰু লিখকৰ নাম (যেনে- ইতি, আপোনাৰ বিশ্বাসী) লিখা হয়।