পাঠ – ১ আমাৰ পৰিৱেশ, Class -5, Environment Chapter -1, Assamese medium

Next Chapter

 

পৃষ্ঠা ১ (কাৰ্যকলাপ)

দলত আলোচনা কৰি লিখা –

 * বায়ু – উশাহ ল’বলৈ, জুই জ্বলাবলৈ।

 * পানী – পিবলৈ, খেতি-বাতি কৰিবলৈ, গা ধুবলৈ।

 * গছ-গছনি – খাদ্যৰ বাবে, ঘৰ সজাৰ সামগ্ৰী হিচাপে, বায়ু বিশুদ্ধ কৰিবলৈ।

 * মাটি – খেতি কৰিবলৈ, ঘৰ সাজিবলৈ, গছ-গছনি গজিবলৈ।

পৃষ্ঠা ৩ (কাৰ্যকলাপ)

চিন্তা কৰি কোৱা –

প্ৰশ্ন: আমাৰ পৰিৱেশত যদি গছ-গছনিবোৰ নোহোৱা হৈ যায়, তেতিয়া কি হ’ব?

উত্তৰ: যদি গছ-গছনিবোৰ নোহোৱা হৈ যায়, তেন্তে আমি উশাহ ল’বলৈ অক্সিজেন নাপাম। লগতে, মানুহকে ধৰি আন প্ৰাণীবোৰে খাদ্যৰ অভাৱত জীয়াই থাকিব নোৱাৰিব, কাৰণ কেৱল উদ্ভিদেহে নিজৰ খাদ্য নিজে প্ৰস্তুত কৰিব পাৰে।

পৃষ্ঠা ৫ (কাৰ্যকলাপ)

চিন্তা কৰি লিখা –

প্ৰশ্ন: তৃণভূমি অঞ্চলত তৃণভোজী প্রাণীসমূহে কিয় জাক পাতি থাকে?

উত্তৰ: তৃণভূমি অঞ্চলত বাঘ, সিংহ আদি মাংসভোজী প্রাণীও থাকে। সেয়েহে তৃণভোজী প্ৰাণীসমূহে (যেনে- হাতী, গঁড়, হৰিণা, জেব্রা, জিৰাফ) মাংসভোজী প্ৰাণীৰ আক্ৰমণৰ পৰা নিজকে ৰক্ষা কৰিবলৈ জাক পাতি থাকে।

দলত আলোচনা কৰি লিখা –

প্ৰশ্ন: তোমালোকৰ অঞ্চলত কি কি প্রাণী আৰু উদ্ভিদ আছে?

উত্তৰ: (এই উত্তৰটো অঞ্চলভেদে বেলেগ হ’ব। অসমৰ সাধাৰণ পৰিপ্ৰেক্ষিতত উত্তৰটো হ’ল:)

 * উদ্ভিদ: আম, কঁঠাল, তামোল, পাণ, বাঁহ, শাল, চেগুন আদি।

 * প্ৰাণী: গৰু, ছাগলী, হাঁহ, কুকুৰা, কুকুৰ, মেকুৰী। অসমৰ অৰণ্যত হাতী, গঁড়, হৰিণা, বাঘ, ভালুক আদিও পোৱা যায়।

পৃষ্ঠা ৬ (কাৰ্যকলাপ)

দলত আলোচনা কৰি লিখা –

প্ৰশ্ন: পানী, মাটি আৰু বায়ু আমাৰ কি কি কামত লাগে প্রত্যেকৰে দুটাকৈ উদাহৰণ দিয়া।

উত্তৰ:

 * পানী: পিবলৈ লাগে আৰু খেতি-বাতিত লাগে।

 * মাটি: খেতি কৰিবলৈ লাগে আৰু ঘৰ-দুৱাৰ সাজিবলৈ লাগে।

 * বায়ু: উশাহ-নিশাহ ল’বলৈ লাগে আৰু জুই জ্বলাবলৈ লাগে।

পৃষ্ঠা ৭ (কাৰ্যকলাপ)

প্ৰশ্ন: ওপৰৰ ছবি দুখন ভালদৰে পৰ্যবেক্ষণ কৰি প্ৰাকৃতিক পৰিৱেশ আৰু মানৱসৃষ্ট পৰিৱেশৰ মাজত কি কি পার্থক্য দেখিছা লিখা।

উত্তৰ:

 * প্ৰাকৃতিক পৰিৱেশ: প্ৰাকৃতিক পৰিৱেশত থকা উপাদানবোৰ (যেনে – গছ-গছনি, নৈ, জলপ্ৰপাত, পাহাৰ) প্ৰকৃতিয়ে নিজে সৃষ্টি কৰে।

 * মানৱসৃষ্ট পৰিৱেশ: মানৱসৃষ্ট পৰিৱেশৰ উপাদানবোৰ (যেনে – ঘৰ-দুৱাৰ, ৰাস্তা-ঘাট, দলং) মানুহে নিজৰ প্ৰয়োজনত প্ৰাকৃতিক সম্পদ ব্যৱহাৰ কৰি নিৰ্মাণ কৰে।

পৃষ্ঠা ৮ (অনুশীলনী)

১। উত্তৰ লিখা –

(ক) পৰিৱেশৰ জৈৱিক উপাদানকেইটাৰ নাম কি কি?

উত্তৰ: উদ্ভিদ, প্রাণী, চৰাই-চিৰিকটি, কীট-পতংগ, অণুজীৱ আদি হৈছে পৰিৱেশৰ জৈৱিক উপাদান।

(খ) পেংগুইন চৰাইৰ গাৰ গঠন কেনেকুৱা?

উত্তৰ: পেংগুইন এবিধ বৰফত থকা চৰাই। ইহঁতৰ গাটো সৰু সৰু পাখিৰে আৱৰা। ডেউকা দুখন সৰু হোৱা বাবে ইহঁতে উৰিব নোৱাৰে, কিন্তু ইহঁতে সাঁতুৰিব আৰু খোজকাঢ়িব পাৰে।

(গ) জলাহ অঞ্চল কাক বোলে?

উত্তৰ: সাধাৰণতে সাময়িকভাৱে বা স্থায়ীভাৱে জলমগ্ন হৈ থকা মাটিভাগেই হ’ল জলাহভূমি বা জলাহ অঞ্চল।

(ঘ) পৰিৱেশৰ অজৈৱিক উপাদানসমূহ কি কি?

উত্তৰ: বায়ু, পানী, মাটি, নৈ, জান-জুৰি, পৰ্বত-পাহাৰ আদি হৈছে পৰিৱেশৰ অজৈৱিক উপাদান। সূৰ্যৰ পোহৰো এক অজৈৱিক উপাদান।

(ঙ) মানৱসৃষ্ট পৰিৱেশ বুলিলে কি বুজা?

উত্তৰ: মানুহে নিজৰ প্ৰয়োজন অনুসৰি নতুন কৌশল প্ৰয়োগ কৰি নিৰ্মাণ কৰি লোৱা পৰিৱেশেই হৈছে মানৱসৃষ্ট পৰিৱেশ। যেনে – ঘৰ-দুৱাৰ, ৰাস্তা-ঘাট, দলং, উদ্যান আদি।

(চ) মৰুভূমিত কি কি প্রাণী আৰু উদ্ভিদ পোৱা যায়? এটাকৈ উদাহৰণ দিয়া।

উত্তৰ: মৰুভূমিত পোৱা উদ্ভিদ হ’ল কেক্টাছ আৰু প্রাণী হ’ল উট।

(ছ) পৰিৱেশত পোহৰৰ ভূমিকা কি?

উত্তৰ: উদ্ভিদে খাদ্য প্রস্তুত কৰোঁতে সূৰ্যৰ পোহৰ এটা মুখ্য উপাদান হিচাপে ব্যৱহাৰ কৰে। এই সূৰ্যৰ পোহৰক শক্তি হিচাপে ব্যৱহাৰ কৰা হয়, যাক সৌৰশক্তি বুলি কোৱা হয়।

২। খালী ঠাই পূৰ কৰা –

(ক) উট মৰুভূমিৰ প্ৰধান প্রাণী।

(খ) বগা ভালুক মেৰু অঞ্চলত থাকে।

(গ) তৃণভূমি অঞ্চলত বৃহৎ এলেকাজুৰি ঘাঁহনি পোৱা যায়।

(ঘ) মৰুভূমিত কেক্টাছ জাতীয় উদ্ভিদ হয়।

(ঙ) পোহৰ পৰিৱেশৰ এটা অজৈৱিক উপাদান।

৩। তলৰ উক্তিসমূহ শুদ্ধ কৰি লিখা –

(ক) বগা ভালুক/হৰিণা/জেৱা মেৰু অঞ্চলৰ প্ৰাণী।

উত্তৰ: বগা ভালুক মেৰু অঞ্চলৰ প্ৰাণী।

(খ) ছীল/বল্পাহৰিণ/য়াকৰ দীঘল আৰু শাখা-প্রশাখাযুক্ত শিং থাকে।

উত্তৰ: বল্লা হৰিণৰ দীঘল আৰু শাখা-প্রশাখাযুক্ত শিং থাকে।

(গ) জিৰাফ/সিংহ/বাঘ এবিধ তৃণভোজী প্রাণী।

উত্তৰ: জিৰাফ এবিধ তৃণভোজী প্রাণী।

৪। চমুটোকা লিখা- জলাহভূমি, অণুজীৱ, পানী আৰু বায়ু

উত্তৰ:

 * জলাহভূমি: সাধাৰণতে সাময়িকভাৱে বা স্থায়ীভাৱে জলমগ্ন হৈ থকা মাটিভাগেই হ’ল জলাহভূমি। পানী আৰু মাটি ইয়াৰ দুই প্ৰধান উপাদান। এই পৰিৱেশ বিভিন্ন ধৰণৰ উদ্ভিদ, প্ৰাণী আৰু অণুজীৱৰ আৱাসভূমি।

 * অণুজীৱ: বেক্টেৰিয়া, ভাইৰাছ আদি জীৱবোৰ ইমানেই ক্ষুদ্র যে খালী চকুৰে ইহঁতক দেখা পোৱা নাযায়। ইহঁতক অণুবীক্ষণ যন্ত্ৰৰ সহায়তহে দেখা যায়, সেয়েহে ইহঁতক অণুজীৱ বোলে। ইহঁত বায়ু, পানী, মাটি সকলোতে থাকে।

 * পানী: পানী বা জলভাগ হ’ল পৰিৱেশৰ এবিধ অতি প্রয়োজনীয় অজৈৱিক উপাদান। সাগৰ, মহাসাগৰ, বৰষুণ, হ্রদ, নদ-নদী, ভূ-গৰ্ভৰ পানী আদি পানীৰ উৎস। পানীৰ অবিহনে কোনো জীৱ জীয়াই থাকিব নোৱাৰে।

 * বায়ু: বায়ু হ’ল পৰিৱেশৰ এটা গুৰুত্বপূৰ্ণ অজৈৱিক উপাদান। ই কেইবাবিধো গেছৰ সমষ্টি, যেনে- নাইট্র’জেন, অক্সিজেন, কার্বন-ডাই-অক্সাইড, জলীয় বাষ্প আদি। বায়ু থকাৰ বাবে আমাৰ পৃথিৱীখন উদ্ভিদ, প্ৰাণী আৰু মানুহৰ বসবাসৰ উপযোগী হৈছে।

৫। এটা প্রাকৃতিক দৃশ্যৰ ছবি আঁকা।

উত্তৰ: (এইটো এটা অংকন কাৰ্য, সেয়েহে ইয়াৰ লিখিত উত্তৰ নাই।)